திருச்சி திமுக பொதுக்கூட்டம்: திரளாக பங்கேற்க வேண்டும் : எம்ஆர்கே.பன்னீர்செல்வம் அறிக்கை

திருச்சியில் இன்று நடைபெறும் பொதுக்கூட்டத்தில் திமுகவினர் திரளாக கலந்து கொள்ள வேண்டும் என்று கடலூர் கிழக்கு மாவட்ட திமுக செயலாளர் எம்ஆர்கே.பன்னீர் செல்வம் தெரிவித்துள்ளார்.

இதுகுறித்து அவர் வெளியிட்டுள்ள அறிக்கை:

திமுக தலைவர் ஸ்டாலினை முதல்வர் ஆக்குவதற்கு உறுதிஏற்கும் வகையில் விடியலுக்கான முழக்கம், லட்சிய பிரகடனம் வெளியீடு பொதுக்கூட்டம் திருச்சி சிறுகனூரில் இன்று (மார்ச்.7) காலை 9 மணி முதல் இரவு 8 மணி வரை நடைபெறவுள்ளது.

இக்கூட்டத்தில் கடலூர் மாவட்டத்தைச் சேர்ந்த மாநில, மாவட்ட, ஒன்றிய, நகர, பேரூராட்சி திமுக நிர்வாகிகள், அனைத்து அணிகளின் நிர்வாகிகள், திமுக முன்னோடிகள் உள்ளிட்ட அனைவரும் பெருந்திரளாக கலந்து கொள்ள வேண்டும் என்று தெரிவித்துள்ளார்.