தேசிய திறந்தநிலை பள்ளித் தேர்வுமார்ச் 15-ல் நடக்கிறது

பள்ளிப் படிப்பை தொடர முடியாமல் போனவர்களுக்காக, மத்திய கல்வி அமைச்சகத்தின்கீழ் தேசிய திறந்தநிலை பள்ளி நிறுவனம் (என்ஐஓஎஸ்) செயல்படுகிறது.

இதில் உயர்நிலை மற்றும் மேல்நிலை வகுப்புகளுக்கான தேர்வு குறித்த அறிவிப்பை என்ஐஓஎஸ் வெளியிட்டுள்ளது.

உயர்நிலை மற்றும் மேல்நிலை பிரிவில் பாடம் பயின்ற மாணவர்கள் தேர்வு எழுத https://www.nios.ac.in/ என்ற இணையதளத்தில் இன்று (மார்ச் 1) முதல் விண்ணப்பிக்கலாம். அதன்படி, விண்ணப்பித்த மாணவர்களுக்கு மார்ச் 15-ம் தேதி தேர்வு நடைபெறவுள்ளது. என்ஐஓஎஸ் பள்ளியின் வழியாக தமிழகத்தில் சுமார் 20 ஆயிரம் பேர் உயர்நிலை மற்றும் மேல்நிலை வகுப்புகளில் படித்து வருவது குறிப்பிடத்தக்கது.