காஞ்சிபுரம் காமாட்சியம்மன் கோயிலில் பிப்.17-ம் தேதி கொடியேற்றத்துடன் பிரம்மோற்சவம் தொடக்கம்

காஞ்சிபுரம் காமாட்சியம்மன் கோயிலில் ஆண்டு பிரம்மோற்சவம் வரும் 17-ம் தேதி கொடியேற்றத்துடன் தொடங்க உள்ளது. விழாவுக்கான ஏற்பாடுகளை கோயில் நிர்வாகம் மேற்கொண்டுள்ளது.

காஞ்சிபுரத்தில் உள்ள  காமாட்சியம்மன் கோயிலில் மாசி மாத பிரம்மோற்சவம் வரும் 17-ம் தேதி கொடியேற்றத்துடன் தொடங்க உள்ளது.

இதையடுத்து தொடர்துவரும் 10 நாட்களும் பல்வேறு வாகனங்களின் மீது அம்மன் வீதி உலா வந்து பக்தர்களுக்கு அருள்பாலிக்க உள்ளார். இதில், 19-ம் தேதி இரவு யானை வாகனம், 21-ம் தேதி காலை தங்கபல்லக்கு, 22-ம் தேதி தங்க கிளி, 23-ம் தேதி தேரோட்டம், 25-ம் தேதி வெள்ள தேர் உற்சவம், 27-ம் தேதி இரவு தங்க காமகோடி விமானம், 28-ம் தேதி விஸ்வருப தரிசனம் என உற்சவங்கள் நடைபெற உள்ளன.

பிரம்மோற்சவம் தொடங்க உள்ளதால், கோயில் நிர்வாகம் சார்பில் நிகழ்ச்சிக்கான ஏற்பாடுகளாக கோயில் வளாகம் மற்றும் ராஜகோபுர முகப்பு பகுதிகளில் பந்தல் அமைக்கும் பணிகள் நடைபெற்று வருகின்றன.