மத்திய அரசு செவிலியர்களுக்கு இணையான ஊதியம் வழங்க வேண்டும், கரோனா காலத்தில் உயிரையும் பொருட்படுத்தாமல் பணியாற்றிய செவிலியர்களுக்கு ஒரு மாத ஊக்க ஊதியம் வழங்க வேண்டும். கரோனா பாதித்த செவிலியர்களுக்கு நிவாரணம் மற்றும் உயிரிழந்தவர்களுக்கு இழப்பீடு வழங்க வேண்டும் என்பன உட்பட 5 அம்ச கோரிக்கைகளை வலியுறுத்தி, திருப்பூர் அரசு தலைமை மருத்துவக் கல்லூரி மருத்துவமனையில் 2-வது நாளாக செவிலியர்கள் நேற்றும் ஆர்ப்பாட்டத்தில் ஈடுபட்டனர்.
இதேபோல உடுமலை மற்றும் தாராபுரம் அரசு மருத்துவமனைகளிலும் செவிலியர்கள் ஆர்ப்பாட்டத்தில் ஈடுபட்டனர்.
இதுதொடர்பாக தமிழ்நாடு அரசு செவிலியர்கள் சங்க மாநிலப் பொருளாளர் (புறநகர்) கீதா கூறும்போது, "கடந்த 2 நாட்களாக போராட்டத்தில் ஈடுபட்டோம். அதேசமயம், பணிகள் பாதிக்காத வகையில் நோயாளிகளையும் கவனித்துள்ளோம். எங்கள் கோரிக்கைகள் தொடர்பாக தமிழக அரசு பேச்சுவார்த்தை நடத்த சங்க நிர்வாகிகளுக்கு அழைப்பு விடுத்துள்ளது. வரும் 3-ம் தேதி பேச்சுவார்த்தை நடத்தப்படுகிறது. நியாயமான கோரிக்கைகள் நிறைவேற்றப்படும் என நம்புகிறோம். பேச்சுவார்த்தைக்கு அரசு அழைப்பு விடுத்ததால், தற்காலிகமாக போராட்டம் ஒத்திவைக்கப்பட்டுள்ளது" என்றனர்.
முக்கிய செய்திகள்
இன்றைய செய்தி
2 years ago