எம்ஜிஆர் பிறந்தநாள் விழா

திருநெல்வேலியில் எம்ஜிஆர் பிறந்த நாளையொட்டி அவரது சிலைக்கு அதிமுக சார்பில் மாவட்டச் செயலாளர் தச்சை கணேசராஜா தலைமையில் மாலை அணிவிக்கப்பட்டது. அமைப்புச் செயலாளர்கள் கருப்பசாமி பாண்டியன், சுதா பரமசிவன், நாங்குநேரி எம்எல்ஏ நாராயணன் உள்ளிட்டோர் உடனிருந்தனர்.

அமமுக சார்பில் மாவட்டச் செயலாளர் பரமசிவ ஐயப்பன் தலைமையில் எம்ஜிஆர் சிலைக்கு மாலை அணிவிக்கப்பட்டது. தேமுதிக சார்பில் மாவட்ட பொருளாளர் சண்முகவேல், அண்ணா திராவிடர் கழகம் சார்பில் நயினார் சுந்தரம், சசிகலா பேரவை சார்பில் மாநகர் மாவட்டச் செயலாளர் வேம்பையா பாண்டியன் ஆகியோர் எம்ஜிஆர் சிலைக்கு மாலை அணிவித்தனர்.

தென்காசி

சங்கரன்கோவிலில் எம்ஜிஆர் உருவப் படத்துக்கு அமைச்சர் வி.எம்.ராஜலெட்சுமி மற்றும் அதிமுக நிர்வாகிகள் மாலை அணிவித்து மரியாதை செலுத்தினர்.

தூத்துக்குடி

தூத்துக்குடி தெற்கு மாவட்ட அதிமுக சார்பில் டூவிபுரம் 7-வது தெருவில் உள்ள கட்சி அலுவலகம் முன்பு எம்ஜிஆர் திருவுருவ படத்துக்கு எஸ்.பி.சண்முகநாதன் எம்எல்ஏ மாலை அணிவித்து மரியாதை செலுத்தினார். தொடர்ந்து அவர் தலைமையில் தூத்துக்குடி பழைய மாநகராட்சி அலுவலக வளாகத்தில் உள்ள எம்ஜிஆர் சிலைக்கு மாலை அணிவிக்கப்பட்டது.

அதிமுக மாநில அமைப்புச் செயலாளர் சி.த.செல்லப் பாண்டியன், தூத்துக்குடி மாவட்ட ஆவின் தலைவர் என்.சின்னத்துரை ஆகியோர் எம்ஜிஆர் சிலைக்கு மாலை அணிவித்து மரியாதை செலுத்தினர்.

அமமுக மாநில அமைப்புச் செயலாளர் இரா.ஹென்றி தலைமையில் அக்கட்சியினர் எம்ஜிஆர் சிலைக்கு மாலை அணிவித்தனர்.

கோவில்பட்டி

கோவில்பட்டியில் பயணியர் விடுதி முன்பும், சட்டப்பேரவை உறுப்பினர் அலுவலகம் அருகேயும் அதிமுக சார்பில் எம்ஜிஆரின் 104-வது பிறந்த நாள் விழா நடந்தது. நகர செயலாளர் விஜயபாண்டியன், ஒன்றிய செயலாளர்கள் அய்யாத்துரைபாண்டியன், அன்புராஜ், மாவட்ட ஊராட்சி தலைவர் சத்யா, ஊராட்சி ஒன்றிய தலைவர் கஸ்தூரி பங்கேற்றனர்.

கயத்தாறில் அமமுக தேர்தல் பிரிவுச் செயலாளர் எஸ்.வி.எஸ்.பி.மாணிக்கராஜா தலைமையில் எம்ஜிஆர் பிறந்த நாள் விழா நடைபெற்றது.