வன்னியர்களுக்கு 20% இட ஒதுக்கீடு நகராட்சி அலுவலகத்தில் பாமக மனு

வன்னியர்களுக்கு 20 சதவீத இட ஒதுக்கீடு வழங்கக்கோரி பாமகவினர் நகராட்சி அலுவலகங் களில் மனு அளித்தனர்

வன்னியர்களுக்கு கல்வி, வேலைவாய்ப்பில் 20 சதவீதம் இட ஒதுக்கீடு கோரி தமிழகம் முழுவதும் பாமக மற்றும் வன்னியர் சங்கம் சார்பில் பல்வேறு கட்ட போராட்டங்களில் ஈடுபட்டு வருகின்றனர்.

நேற்று 5-ம் கட்டமாக நகராட்சி அலுவலகங்களில் மனு அளிக்கும் போராட்டம் நடந்தது. கிருஷ்ணகிரியில் உள்ள நகராட்சி அலுவலகத்தில் மனு அளிக்கும் போராட்டத்திற்கு மாநில துணை பொது செயலாளர் வழக்கறிஞர் இளங்கோ தலைமை வகித்தார். இட ஒதுக்கீடு கோரும் மனுவை நகராட்சி அலுவலகத்தில் அளித் தனர். இந்நிகழ்ச்சியில் முன்னாள் எம்எல்ஏ., மேகநாதன், மாநில துணை அமைப்பு செயலாளர் மாதேஸ்வரன் உள்ளிட்ட பலர் கலந்து கொண்டனர்.

சேலம்

சேலத்தில் பாமக-வினர் மாநகராட்சி ஆணையர் ரவிச்சந்திரனிடம் மனு அளித்தனர். முன்னதாக பாமக மாநில துணை பொதுச்செயலாளர் அருள் தலைமையில் மாநகராட்சி ஆணையர் அலுவலகம் எதிரில் ஆர்ப்பாட்டத்தில் ஈடுபட்டனர். இதில், மாநகர மாவட்ட செயலாளர் கதிர் ராசரத்தினம், மாநில துணைத் தலைவர் கார்த்தி, வடக்கு மாவட்டச் செயலாளர் சாம்ராஜ் மற்றும் பாமக தொண்டர் கள் ஏராளமானோர் கலந்து கொண்டனர்.

தருமபுரி

தருமபுரி நகராட்சி அலுவலகம் முன்பு பாமக சார்பில் மாநில துணைப் பொது செயலாளர் வெங்கடேஷ்வரன் தலைமையில் போராட்டம் நடந்தது. இதில் கோரிக்கைகளை வலியுறுத்தி முழக்கங்கள் எழுப்பினர். பின்னர் நகராட்சி அலுவலகத்தில் மனு அளித்தனர்.

இதில், பாமக மாநில துணைத் தலைவர் சாந்தமூர்த்தி, முன்னாள் எம்பிக்கள் செந்தில், பாரிமோகன், முன்னாள் மாநில துணைப் பொது செயலாளர் சரவணன், வன்னியர் சங்க மாநில செயலாளர் அரசாங்கம், இளைஞர் சங்க மாநில செயலாளர் செந்தில், வன்னியர் சங்க மாவட்ட செயலாளர்கள் பாலகிருஷ்ணன், நாகராஜ் உள்ளிட்ட பலர் கலந்து கொண் டனர்.

திருச்செங்கோடு

திருச்செங்கோடு பழைய பேருந்து நிலையம் அண்ணா சிலை எதிரில் நகர பாமக மற்றும் வன்னியர் சங்கத்தினர் ஆர்ப்பாட்டத்தில் ஈடுபட்டனர்.பாமக மாநில துணை அமைப்புச் செயலாளர் சுதாகர் தலைமை வகித்தார். மாநில பொதுச்செயலாளர் பொன்.ரமேஷ் பேசினார்.

அண்ணாசிலை முதல் நகராட்சி வரை ஊர்வலமாகச் சென்று நகராட்சி ஆணையரிடம் மனு அளித்தனர்.