திருவள்ளூர் செய்தி மக்கள் தொடர்பு அலுவலகம் வெளியிட்டுள்ள செய்திக் குறிப்பு:
தமிழக அரசு ஆண்டுதோறும் உலக மகளிர் தின விழாவின்போது, பெண்கள் முன்னேற்றத்துக்கு சிறந்த சேவை புரிந்த ஒருவருக்கு, ‘ஒளவையார் விருது’ வழங்கி வருகிறது. அந்த வகையில், வரும் 2021 மார்ச் 8 அன்று கொண்டாடப்பட உள்ள உலக மகளிர் தின விழாவில் தகுதி வாய்ந்தவருக்கு இவ்விருது வழங்கப்பட உள்ளது.
இவ்விருதைப் பெற விரும்புவோர், தமிழகத்தை பிறப்பிடமாக கொண்டவராகவும், 18 வயதுக்கு மேற்பட்டவராகவும், சமூக நலன் சார்ந்த நடவடிக்கைகளில் ஈடுபட்டு வருபவராகவும், பெண் குலத்திற்கு பெருமை சேர்க்கும் வகையிலான நடவடிக்கைகளில் ஈடுபட்டு வருபவராகவும், மொழி, இனம், பண்பாடு, கலைஅறிவியல், நிர்வாகம் போன்றதுறைகளில் மேன்மையாக பணிபுரிந்து மக்களுக்கு தொண்டாற்றும் வகையில் தொடர்ந்து பணியாற்றுபவராகவும் இருக்கவேண்டும்.
ஆகவே, திருவள்ளூர் மாவட்டத்தில் உள்ள ஒளவையார் விருது பெற தகுதி வாய்ந்த நபர்கள் உரிய சான்றுகளுடன் வரும் 28-ம் தேதி மாலை 5 மணிக்குள் திருவள்ளூர் மாவட்ட ஆட்சியர் அலுவலகத்தில் இயங்கி வரும் மாவட்ட சமூகநல அலுவலகத்தை (போன் எண் - 044-29896049) தொடர்பு கொண்டு விண்ணப்பிக்கலாம்.
முக்கிய செய்திகள்
இன்றைய செய்தி
2 years ago