அவிநாசி அருகே நகை, பணம் திருட்டு

அவிநாசி அருகே ரங்கா நகர் வைஷ்ணவி கார்டன் பகுதியில் வசித்து வருபவர் ஜெயராஜ் (43). கார் மெக்கானிக். இரண்டு நாட்களுக்கு முன்பு வீட்டைப் பூட்டிவிட்டு வெளியில் சென்றுள்ளார். நேற்று வந்து பார்த்தபோது முன்புற கதவு உடைக்கப்பட்டு, பீரோவில் வைக்கப்பட்டிருந்த 5 பவுன் தங்க நகை, ரூ.20 ஆயிரம் பணம் ஆகியவற்றை மர்ம நபர்கள் திருடிச் சென்றது தெரியவந்தது. இதுதொடர்பாக ஜெயராஜ் அளித்த புகாரின்பேரில், அவிநாசி போலீஸார் வழக்கு பதிந்து விசாரிக்கின்றனர்.