கூட்டுறவு வங்கியில் எழுத்தர் பணிக்கான தேர்வு

திருநெல்வேலி, தென்காசி மாவட்ட அளவில் மத்திய கூட்டுறவு வங்கி மற்றும் பிற கூட்டுறவு வங்கிகளில் 70 எழுத்தர் பணிக்கான எழுத்து தேர்வு கடந்த 2 நாட்களாக நடைபெற்றது. முதல் நாளான நேற்றுமுன்தினம் திருநெல்வேலியிலுள்ள மத்திய கூட்டுறவு வங்கியில் 25 பணியிடங்களுக்கும், 2-ம் நாளான நேற்று மாவட்டத்தில் பிற இடங்களில் உள்ள கூட்டுறவு வங்கிகளில் 45 எழுத்தர் பணியிடங்களுக்கும் பாளை யங்கோட்டை தூய சவேரியார் மேல்நிலைப்பள்ளியில் எழுத்து தேர்வு நடத்தப்பட்டது.

பட்டப்படிப்புடன், கூட்டுறவு பட்டய பயிற்சி மற்றும் கம்ப்யூட்டர் பயிற்சி பெற்றவர்கள் இத் தேர்வை எழுதினர்.

முதல் நாள் தேர்வை 320 பேர் எழுதியிருந்தனர். 2-ம் நாளான நேற்று 307 பேருக்கு தேர்வுக்கான அனுமதி சீட்டு அனுப்பப்பட்டிருந்தது. அதில் 212 பேர் தேர்வு எழுதினர்.

தேர்வு முடிவுகள் ஒரு மாதத்துக்குள் வெளியிடப்படும் எனவும், தேர்ச்சி பெற்றவர்களுக்கு அடுத்தகட்டமாக நேர்முகத் தேர்வு நடத்தப்பட்டு தகுதியானவர்கள் தேர்வு செய்யப்படுவார்கள் என்றும் தெரிவிக்கப்பட்டுள்ளது.

இத் தேர்வை மாநில கூட்டுறவு ஒன்றிய மேலாண்மை இயக்குநர் செந்தமிழ்செல்வி உள்ளிட்ட அலு வலர்கள் கண்காணித்தனர்.