விருதுநகர் மாவட்டம், வெம்பக்கோட்டை அருகே கீழராஜகுல ராமன் கிராமத்தில் அமைந்துள்ள எரிச்சீஸ்வர அய்யனாரப்பன் கோயில் மகா கும்பாபிஷேகத் திருப்பணிக்கு பால்வளத் துறை அமைச்சர் கே.டி. ராஜேந்திர பாலாஜி ரூ.2 லட்சம் நிதி வழங்கினார்.
கீழராஜகுல ராமன் கிராமத்தில் எரிச்சீஸ்வர அய்யனாரப்பன் கோயில் உள்ளது. இந்த கோயில் மகா கும்பாபிஷேகம் டிச.27-ம் தேதி நடைபெற உள்ளது. துணை முதல்வர் ஓ. பன்னீர்செல்வம் தலைமை வகிப்பார். விழாவில் அமைச்சர்கள் கே.டி.ராஜேந்திரபாலாஜி, செல்லூர் கே ராஜூ, ஆர்.பி. உதயகுமார் மற்றும் சிறப்பு விருந்தினர்கள், பக்தர்கள் கலந்து கொள்ள உள்ளனர்.
இக்கோயில் கும்பாபிஷேகத் திருப்பணிக்கு விருதுநகர் மேற்கு மாவட்ட அதிமுக செயலாளரும் அமைச்சருமான கே.டி.ராஜேந்திரபாலாஜி ரூ .2 லட்சம் நிதி உதவி வழங்கினார். அப்போது, ஸ்ரீவில்லிபுத்தூர் அதிமுக தெற்கு ஒன்றியச் செயலாளர் மயில்சாமி, எரிச்சீஸ்வர அய்யனாரப்பன் கோயில் அறக்கட்டளை குழுத் தலைவர் குருமூர்த்தி, செயலாளர் போடி சுப்புராஜ், பொருளாளர் கணேஷ்குழந்தை உள்ளிட்டோர் உடன் இருந்தனர்.
முக்கிய செய்திகள்
இன்றைய செய்தி
2 years ago