வில்லிபுத்தூரில் ‘ஆண்டாள் அந்தாதி' நூல் வெளியீட்டு விழா

வில்லிபுத்தூர் ஆண்டாள் கோயிலில் கவிஞர் சுரா எழுதிய 'ஆண்டாள் அந்தாதி' நூல் வெளியீட்டு விழா நடைபெற்றது.

நிகழ்ச்சியில் தமிழ்நாடு கலை, இலக்கியப் பெருமன்ற வில்லிபுத்தூர் கிளைத் தலைவர் கோதையூர் மணியன் முதல் பிரதியை வெளியிட, சிவகாசி அய்யநாடார்-ஜானகியம்மாள் கல்லூரியின் முதுகலை தமிழ் துறைத் தலைவர் க.சிவனேசன் பெற்றுக் கொண்டார். அதைத் தொடர்ந்து தமிழார்வலர் மு. சந்திரசேகரன் சிறப்புரையாற்றினார். நூலாசிரியர் கவிஞர் சுரா ஏற்புரையாற்றினார். நிகழ்ச்சியில் சமூக ஆர்வலர் க.துள்ளுக்குட்டி, இலக்கிய ஆர்வலர்கள் கலந்துகொண்டனர்.