நாமக்கல் மாவட்ட பாஜக நிர்வாகிகள் ஆலோசனைக் கூட்டம் மாவட்ட தலைவர் சத்தியமூர்த்தி தலைமையில் நடந்தது. கூட்டத்தில், பாஜக மாநில விவசாய அணித் தலைவர் நாகராஜ் பேசியதாவது:
தமிழகத்தில் உண்மையான எதிர்க் கட்சியாக பாஜக சிறப்பாக செயல்பட்டு வருகிறது. மேகேதாட்டு அணை பிரச்சினை,முல்லை பெரியாறு பிரச்சினை உள்ளிட்ட பல்வேறு பிரச்சினைகளை பாஜக சிறப்பாக கையாண்டுள்ளது.
தமிழக பாஜக தலைவர் அண்ணாமலை வரும் 16-ம் தேதி நாமக்கல் வருகிறார். நாமக்கல்லில் நடைபெறும் கூட்டத்தில் விவசாயிகளை சந்தித்து பேசுகிறார். லாரி, ரிக் உரிமையாளர்கள், கோழிப் பண்ணை உரிமையாளர்கள், சேகோ ஆலை உரிமையாளர்கள், விசைத்தறி உரிமையாளர்கள் போன்ற தொழிலதிபர்களுடன் கலந்துரையாடுகிறார், என்றார். மாவட்ட துணைத்தலைவர் ரஞ்சித்குமார், மாநில செயற்குழு உறுப்பினர் வடிவேல், மாவட்ட விவசாய அணி தலைவர் அசோக்குமார் உள்பட பலர் கலந்து கொண்டனர்.
முக்கிய செய்திகள்
இன்றைய செய்தி
2 years ago