அம்பேத்கர் நினைவு தினம்: சிலைக்கு மாலை அணிவித்து மரியாதை :

சட்டமேதை டாக்டர் அம்பேத்கர் நினைவு தினத்தையொட்டி, திருச்சி அரிஸ்டோ ரவுண்டானாவில் உள்ள அவரது சிலைக்கு நேற்று திமுக சார்பில் எம்எல்ஏக்கள் சவுந்தரபாண்டியன், பழனியாண்டி ஆகியோர் தலைமையில் மாலை அணிவித்து மரியாதை செலுத்தப்பட்டது. இதில் முன்னாள் எம்எல்ஏ அன்பில் பெரியசாமி உள்ளிட்ட நிர்வாகிகள் கலந்துகொண்டனர்.

இதேபோல, அதிமுக சார்பில் மாநகர் மாவட்டச் செயலாளரும், முன்னாள் அமைச்சருமான வெல்லமண்டி நடராஜன் தலைமையில் எம்ஜிஆர் இளைஞரணி மாநில இணைச் செயலாளர் ஜெ.சீனிவாசன் உள்ளிட்டோர் மாலை அணிவித்து மரியாதை செலுத்தினர்.

மதிமுக சார்பில் மாவட்டச் செயலாளர்கள் வெல்லமண்டி சோமு, டிடிசி சேரன், பாஜக சார்பில் மாவட்டத் தலைவர் ராஜசேகர், காங்கிரஸ் சார்பில் மாவட்டத் தலைவர் ஜவகர், இந்திய கம்யூனிஸ்ட் கட்சி சார்பில் மாநகரச் செயலாளர் திராவிடமணி, இந்திரஜித், மார்க்சிஸ்ட் கம்யூனிஸ்ட் கட்சி சார்பில் மத்திய கட்டுப்பாட்டுக் குழு தர், விடுதலை சிறுத்தைகள் கட்சி சார்பில் மாநகரச் செயலாளர் அருள், அம்பேத்கர் அரும்பணி மன்றம் சார்பில் அதன் தலைவர் சுரேஷ்குமார் ஆகியோர் தலைமையில் அந்தந்த அமைப்பினர் மாலை அணிவித்து, மரியாதை செலுத்தினர்.

இந்திய மாணவர் சங்கம், ஆதித்தமிழர் பேரவை, அகில பாரதிய வித்யார்த்தி பரிசத் உள்ளிட்ட அமைப்புகள் சார்பிலும் அம்பேத்கர் சிலைக்கு மாலை அணிவிக்கப்பட்டது.

திருச்சி பெல் நிறுவன வளாகத்தில் உள்ள அம்பேத்கரின் சிலைக்கு அனைத்து ஊழியர்கள் சார்பில் வளாக பொது மேலாளர்(பொறுப்பு) எஸ்.வி.னிவாசன் மலர் வளையம் வைத்து, அஞ்சலி செலுத்தினார். இந்நிகழ்வில், பொது மேலாளர்கள், ஊழியர் சங்க நிர்வாகிகள் மற்றும் அலுவலர் சங்க நிர்வாகிகள், மூத்த அலுவலர்கள் பங்கேற்றனர்.

இதேபோல, மத்திய மண்டலத்தில் உள்ள அனைத்து மாவட்டங்களிலும் அம்பேத்கர் சிலைகளுக்கு நேற்று பல்வேறு கட்சிகள், அமைப்புகள் சார்பில் மாலை அணிவித்து, மரியாதை செலுத்தப்பட்டது.