மதுராந்தகம் அருகே தேசிய நெடுஞ்சாலையில் ஏற்பட்ட தொடர் விபத்தில் 3 பேருந்துகள், ஒரு கார் ஆகியவை மோதிக் கொண்டன. இதில் 2 பெண்கள், சிறுவர்கள் உட்பட 7 பேர் காயமடைந்தனர்.
மதுராந்தகத்தை அடுத்த ஜானகிபுரம் பகுதியில் தேசிய நெடுஞ்சாலையில் திருச்சியில் இருந்து சென்னையை நோக்கி அரசுப் பேருந்து ஒன்று சென்றது. அப்போது திடீரென லாரி உள்ளே வந்ததால் அரசு பேருந்து திடீரென நிறுத்தப்பட்டது. இதனால் பின்னால் வந்த 2 தனியார் சொகுசு பேருந்துகள் மற்றும் கார் உட்பட 4 வாகனங்கள் ஒன்றன் பின் ஒன்றாக மோதிக் கொண்டன. இந்த விபத்தில் சிறுவர்கள், 2 பெண்கள் உட்பட 7 பேர் காயமடைந்தனர். இவர்களுக்கு மதுராந்தகம் அரசு மருத்துவமனையில் சிகிச்சை அளிக்கப்பட்டது.
இந்த விபத்து காரணமாக சென்னை - திருச்சி தேசிய நெடுஞ்சாலையில் போக்குவரத்து பாதிக்கப்பட்டது. மதுராந்தகம் காவல் துறையினர் வாகனங்களை அப்புறப்படுத்தி போக்குவரத்தை சீர் செய்தனர். இந்த விபத்து தொடர்பாக தொடர்ந்து விசாரித்து வருகின்றனர்.
முக்கிய செய்திகள்
இன்றைய செய்தி
2 years ago