தமிழ்நாடு அறிவியல் இயக்க மாவட்ட நிர்வாகிகள் கூட்டம் புதுக்கோட்டையில் அண்மை யில் நடைபெற்றது. அமைப்பின் மாவட்டத் தலைவர் ம.வீரமுத்து தலைமையில் நடைபெற்ற கூட்டத்தில், மாவட்டச் செயலா ளர் மு.முத்துக்குமார், முன்னாள் மாநிலச் செயலாளர் இரா.விவேகானந்தன், மாநில செயற் குழு உறுப்பினர்கள் லெ.பிரபா கரன், அ.மணவாளன், முன்னாள் மாவட்டத் தலைவர் க.சதாசிவம் உள்ளிட்டோர் பேசினர்.
பள்ளிகளுக்கு சனிக்கிழமை தோறும் வேலை நாட்களாக அறிவித்திருப்பதை ரத்து செய்ய வேண்டும். கரோனா தொற்று காலமாக உள்ளதால் நிகழ் கல்வியாண்டை பள்ளிக் கல்வி இடைநிற்றல் இல்லாத ஆண்டாக அறிவிக்க வேண்டும். பள்ளிகளில் மேல்நிலை வகுப்பு மாணவர்களுக்கும் சத்துணவு வழங்க வேண்டும். அமைப்பு சார்பில் நடத்தப்படும் மாவட்ட அளவிலான குழந்தைகள் அறிவியல் மாநாட்டில் 500-க்கும் மேற்பட்ட ஆய்வுக் கட்டுரைகளை சமர்ப்பிக்க முயற்சி செய்வது என்பன உள்ளிட்ட தீர்மானங்கள் நிறைவேற்றப்பட்டன.
முக்கிய செய்திகள்
இன்றைய செய்தி
2 years ago