கப்பலூர் சுங்கச் சாவடியை அகற்ற வேண்டும் : மதிமுக வலியுறுத்தல்

திருமங்கலம் நகர் மதிமுக நிர்வாகிகள் கூட்டம், நகர் செயலாளர் அனிதா பால்ராஜ் தலைமையில் நடந்தது. நகர் அவைத்தலைவர் திருப்பதி உள்ளிட்டோர் பங்கேற்றனர்.

இதில் நிறைவேற்றப்பட்ட தீர் மானங்கள்: திருமங்கலத்தில் நெரிசலைத் தீர்க்க புதிய பேருந்து நிலையம் அமைக்க வேண்டும். விமான நிலையம் செல்லும் சாலையில், ரயில்வே மேம்பாலம் கட்ட அனுமதி பெற்றும் பணிகளை தொடங்கவில்லை. நிலம் கையகப்படுத்துவதை உடனே முடித்து, பாலத்தின் கட்டுமான பணிகளைத் தொடங்க வேண்டும். நகரிலிருந்து 3 கிமீ தொலைவுக்குள் செயல்படும் கப்பலூர் சுங்கச்சாவடியை விதிமுறைகளின்படி அனுமதிக்கவே கூடாது. மேலும் இங்கு உள்ளூர் வாக னங்களுக்கும் அடாவடியாக கட்டணம் வசூலிக்கின்றனர். இந்த சுங்கச் சாவடியை அகற்ற வேண்டும்.

திருமங்கலம் ரயில் நிலையம் அருகே கான்க்ரீட் ஸ்லீப்பர் தயாரிக்கும் நிறுவனத்தால் நிலத்தடி நீர்மட்டம் பாதிக்கிறது. இதை நகருக்கு வெளியே மாற்ற வேண்டும் ஆகிய தீர்மானங்கள் நிறைவேற்றப்பட்டன.