திருவொற்றியூர் வடிவுடையம்மனுக்கு நேற்று வளைகாப்பு விழா நடைபெற்றது.
திருவொற்றியூர் தியாகராஜ சுவாமி கோயில் மிகவும் பிரசித்தி பெற்றதாக விளங்கி வருகிறது. இக்கோயிலில் ஆடி மாதத்தில் வரும் பூர நட்சத்திரத்தன்று ‘ஆடிப்பூரம்’ சிறப்பாக கொண்டாடப்படுகிறது. இந்நிலையில் திருவொற்றியூர் தியாகராஜ சுவாமி கோயிலில் நேற்று மாலை வளைகாப்பு விழா நடைபெற்றது. இதனையொட்டி இங்குள்ள வடிவுடையம்மனுக்கு சிறப்பு அலங்காரங்கள் செய்யப்பட்டிருந்தன. மேலும் வடிவுடையம்மனுக்கு வளையல்கள் அணிவிக்கப்பட்டன. மஞ்சள், குங்குமம் வைத்து திருமஞ்சனம் செய்யப்பட்டது. 16 வகையான தீபாராதனைகள் காட்டப்பட்டன.
கரோனா பரவல் காரணமாக முன்னெச்சரிக்கை நடவடிக்கையாக இவ்விழாவுக்கு பக்தர்கள் அனுமதிக்கப்படவில்லை. இருப்பினும், ஆடிப்பூரம் வளைகாப்பு விழாவை ஆன்லைனில் ஒளிபரப்ப கோயில் நிர்வாகத்தின் சார்பில் ஏற்பாடுகள் செய்யப்பட்டிருந்தன.
முக்கிய செய்திகள்
இன்றைய செய்தி
2 years ago