வாகன திருட்டில் ஈடுபட்ட மூவர் கைது :

கோவை மாநகரில், கடந்த சில மாதங்களாக வீடுகளின் முன்பும், கடைகளின் முன்பும் நிறுத்தப் படும் இருசக்கர வாகனங்கள், கார் உள்ளிட்ட நான்கு சக்கர வாகனங்கள் ஆகியவை மர்மநபர்களால் திருடப்பட்டு வந்தன. இதுதொடர்பாக, மாநகர காவல் ஆணையர் தீபக் எம்.தாமோர்உத்தரவின்பேரில் அமைக்கப் பட்ட தனிப்படையினர் தீவிர விசாரணை நடத்திவந்தனர்.

இதில், கோவை தடாகம் சாலையைச் சேர்ந்த விஜய்(28), இடையர்பாளையத்தைச் சேர்ந்த சூர்யா என்ற சூரியகுமார்(24), வேலாண்டிபாளையத்தைச் சேர்ந்த யுவராஜ்(23) ஆகியோர் வாகன திருட்டில் ஈடுபட்டது தெரியவந்தது.

இதையடுத்து, தனிப்படை காவலர்கள் மூவரையும் பிடித்து நேற்று கைது செய்தனர். இவர்களிடம் இருந்து 5 இருசக்கர வாகனங்கள், ஆம்னி வேன் உள்ளிட்ட 5 நான்குசக்கர வாகனங்களை பறிமுதல் செய்யப்பட்டன.

இதுதொடர்பாக, காவல் துறையினர் கூறும்போது,‘‘கைது செய்யப்பட்டவர்களில் விஜய்,யுவராஜ் ஆகியோர் ஓட்டுநர் களாக உள்ளனர். சூர்யகுமார் மெக்கானிக்காக பணிபுரிந்து வந்தார்.

இவர்களிடம் இருந்து ரூ.15 லட்சம் மதிப்புள்ள வாகனங்கள் பறிமுதல் செய்யப் பட்டுள்ளன. தொடர்ந்து விசாரணை நடத்தப் பட்டு வருகிறது’’ என்றனர்.