சென்னையில் ஆக. 13-ல் திமுக எம்எல்ஏக்கள் கூட்டம் :

திமுக எம்எல்ஏக்கள் கூட்டம் அக்கட்சியின் தலைவரும், முதல்வருமான மு.க.ஸ்டாலின் தலைமையில் வரும் 13-ம் தேதி நடக்கிறது.

இது தொடர்பாக அரசு தலைமை கொறடா கோவி.செழியன் நேற்று வெளியிட்ட அறிவிப்பில், ‘திமுக எம்எல்ஏக்கள் கூட்டம், முதல்வர் ஸ்டாலின் தலைமையில் ஆகஸ்ட் 13-ம் தேதி மாலை 5 மணி அளவில் சென்னை அண்ணா அறிவாலயத்தில் உள்ள கலைஞர் அரங்கில் நடக்கும். இதில் திமுக எம்எல்ஏக்கள் அனைவரும் தவறாமல் பங்கேற்க வேண்டும்’ என்று கூறியுள்ளார்.

ஆகஸ்ட் 13-ம் தேதி தமிழக சட்டப்பேரவைக் கூட்டம் தொடங்குகிறது. அன்று பேரவையில் பட்ஜெட்டை நிதியமைச்சர் பிடிஆர் பழனிவேல் தியாகராஜன் தாக்கல் செய்கிறார்.

பட்ஜெட் கூட்டத் தொடரில் எம்எல்ஏக்கள் எவ்வாறு செயல்பட வேண்டும். எதிர்க்கட்சிகள் எழுப்பும் பிரச்சினைகளை எவ்வாறு எதிர்கொள்வது என்பது குறித்து கூட்டத்தில் ஆலோசிக்கப்படும் என்று திமுக நிர்வாகி ஒருவர் தெரிவித்தார்.