சென்னை திருவொற்றியூர் தியாகராஜ சுவாமி கோயில் மிகவும் பிரசித்தி பெற்றது. இக்கோயிலில் ஆடி மாதத்தில் வரும் பூர நட்சத்திரம் ‘ஆடிப்பூரம்’ என்ற பெயரில் சிறப்பாக கொண்டாடப்படுவது வழக்கம்.
ஆடிப்பூரத்தை முன்னிட்டு இங்கு வடிவுடையம்மனுக்கு நாளை வளைகாப்பு விழா விமரிசையாக நடைபெற உள்ளது. கரோனா பரவல் காரணமாக இதில் பங்கேற்க பக்தர்களுக்கு அனுமதி இல்லை. இக்கோயிலின் முக்கிய நிகழ்ச்சிகள் ஆன்லைன் மூலம் பக்தர்களுக்கு நேரலையாக ஒளிபரப்பப்பட்டு வருகின்றன.
இதன் தொடர்ச்சியாக நாளை நடைபெறவுள்ள ஆடிப்பூரம் வளைகாப்பு விழாவையும் நேரடியாக ஒளிபரப்ப கோயில் நிர்வாகத்தின் சார்பில் ஏற்பாடுகள் செய்யப்பட்டுள்ளன. இதன்படி, https://www.youtube.com/c/ThiagarajaswamyVadivudaiyammanTempleOfficial என்ற யூடியூப் சேனல் மூலம், நாளை மாலை 5 மணிக்கு வளைகாப்பு விழா நேரலையாக ஒளிபரப்பப்பட உள்ளது.
முக்கிய செய்திகள்
இன்றைய செய்தி
2 years ago