நாமக்கல் மாவட்ட ஆட்சியர் அலுவலக கூட்டரங்கில் உணவுப் பாதுகாப்புத்துறை மற்றும் ஓட்டல் உரிமையாளர்கள் சங்கம் சார்பில் கரோனா விழிப்புணர்வு நிகழ்ச்சி நடைபெற்றது. மாவட்ட ஆட்சியர் ஸ்ரேயா சிங் தலைமை வகித்தார். உணவு பாதுகாப்பு மற்றும் மருந்து நிர்வாகத்துறை மாவட்ட நியமன அலுவலர் கே.சி.அருண் முன்னிலை வகித்தார்.
கரோனா தொற்றிலிருந்து பாதுகாக்க அனைவரும் சோப்பினால் அடிக்கடி கைகளைக் கழுவ வேண்டும். தனிமனித இடைவெளியை கடைபிடிக்க வேண்டும். முகக்கவசம் அணிய வேண்டும். கரோனா தடுப்பூசி அனைவரும் செலுத்திக் கொள்ள வேண்டும் உள்ளிட்டவை அடங்கிய போஸ்டரை ஆட்சியர் ஸ்ரேயா சிங் வெளியிட்டார்.
மேலும், இவற்றை உணவு விடுதிகளில் ஒட்டுவதுடன், வாடிக்கையாளர்கள் இவற்றை பின்பற்ற அறிவுறுத்த வேண்டும் என ஆட்சியர் அறிவுறுத்தினார். விழிப்புணர்வு துண்டு பிரசுரங்களும் விநியோகிக்க வேண்டுமென அறிவுறுத்தப்பட்டது. நாமக்கல் மாவட்ட உணவு விடுதி சங்க தலைவர் பாலசுப்ரமணியன் மற்றும் செயலாளர் கணேசன் உள்ளிட்டோர் கலந்து கொண்டனர்.
முக்கிய செய்திகள்
இன்றைய செய்தி
2 years ago