அரசு ஐடிஐ-ல் மாணவர் சேர்க்கை :

திருப்பத்தூர் மாவட்டம் வாணியம்பாடியில் இயங்கி வரும் அரசினர் தொழிற்பயிற்சி நிலையத்தில் (ஐடிஐ) நடப்பு ஆண்டுக்கான சேர்க்கை ‘ஆன்லைன்’ மூலம் நடைபெற்று வருகிறது. கடந்த 1-ம் தேதி முதல் வரும் 28-ம் தேதி வரை விண்ணப்பங்கள் வரவேற்கப்படுகின்றன. www.skilltraining.tn.gov.in என்ற இணையதளத்திலும், அரசு தொழிற்பயிற்சி நிலையத்திலும் நேரடியாகவும் கட்டணமின்றி விண்ணப்பிக் கலாம். 10-ம் வகுப்பு தேர்ச்சி பெற்ற ஆண் மற்றும் பெண் இருபாலரும் இப்பயிற்சியில் சேரலாம். இங்கு ரெப்பிரிஜ்ரேஷன் மற்றும் ஏர் கண்டிஷனர் டெக்னீசியன், மெக்கானிக் மோட்டார் வெக்கிள், லிப்ட் மற்றும் எஸ்குலேட்டர் மெக்கானிக், நவீன ஆடை வடிவமைப்பு தொழில்நுட்பம் ஆகிய பயிற்சிக்கு விண்ணப்பிக்கலாம். அதேபோல, 8-ம் வகுப்பு தேர்ச்சி பெற்ற ஆண், பெண் இருபாலருக்கு தோல் பொருள் உற்பத்தி பயிற்சிக்கு விண்ணப்பிக்கலாம் என திருப்பத்தூர் மாவட்ட ஆட்சியர் அமர் குஷ்வாஹா தெரிவித்துள்ளார்.