மருத்துவமனைகளில் பணியாற்ற குறுகிய கால பயிற்சி வகுப்புகள் :

தமிழ்நாடு திறன் மேம்பாட்டு கழகம் மூலம் அரசு, தனியார் மருத்துவ மனைகளில் பணியாற்றுவதற்கான குறுகிய கால பயிற்சி வகுப்பில் சேர விருப்பம் உள்ளவர்கள் விண்ணப்பிக்கலாம் என வேலூர் மாவட்ட வருவாய் அலுவலர் பார்த்தீபன் தெரிவித்துள்ளார்.

இதுகுறித்து அவர் வெளி யிட்டுள்ள செய்திக் குறிப்பில், ‘‘பிரதான் மந்திரி கவுஷல் விகாஸ் யோஜனா என்ற பயிற்சி திட்டத்தின் கீழ் தமிழ்நாடு திறன் மேம்பாட்டு கழகம் வாயிலாக சுகாதாரத் துறையில் கோவிட்-19 தொடர்பாக பல்வேறு பிரிவுகளில் ஒரு மாதம் குறுகிய கால பயிற்சி அளிக்கப்பட உள்ளது.

அதன்படி, எமர்ஜென்சி மெடிக்கல் டெக்னீசியன், ஜெனரல் டூட்டி அசிஸ்டென்ட், கிரிட்டில் கேட் ஜெனரல் டூட்டி அசிஸ்டென்ட், ஹோம் ஹெல்த் எய்டு, மெடிக்கல் எக்யூப்மென்ட் அசிஸ்டென்ட், பிளேபோடோமிஸ்ட் உள்ளிட்ட படிப்புகள் கற்றுத்தரப்பட உள்ளன.

பயிற்சி முடித்த உடன் அரசு மருத்துவமனை, ஆரம்ப சுகாதார நிலையங்களில், தனியார் மருத்துவமனைகளில் தொழில்முறை பயிற்சியுடன் பணியில் சேரலாம். மேற்காணும் படிப்புகளுக்கு 10 மற்றும் பிளஸ் 2 முதல் பட்டப்படிப்பு முடித்தவர்கள் சேரலாம்.

பயிற்சியில் சேர விருப்பம் உள்ளவர்கள் தங்களது பெயர், கல்வித்தகுதி, பயிற்சியில் சேர விரும்பும் பிரிவு, தொலைபேசி எண், இ-மெயில் முகவரி ஆகியவற்றை ricadvellore@gmail.com என்ற மின்னஞ்சல் முகவரிக்கு அல்லது 0416-2290348 அல்லது 98438-90557 ஆகிய எண்களில் தொடர்பு கொண்டு தங்களது விவரத்தை பதிவு செய்துகொள்ளலாம்’’ என தெரிவித்துள்ளார்.