பெரம்பலூர், கரூர் மாவட்டங்களில் பரவலாக மழை :

பெரம்பலூர் மாவட்டத்தில் நேற்று முன்தினம் இரவு பரவலாக பலத்த மழை பெய்தது. பெரம்பலூர் நகரம், ஆலத்தூர், பாடாலூர், குன்னம், வேப்பூர், லப்பைக்குடிகாடு, அரும்பாவூர், வேப்பந்தட்டை உட்பட பல்வேறு பகுதிகளில் அரை மணி நேரத்துக்கும் மேலாக மழை நீடித்தது. மாவட்டத்தின் முக்கிய பகுதிகளில் பதிவான மழையளவு விவரம்(மில்லி மீட்டரில்):

பெரம்பலூர் 45 , பாடாலூர் 20, செட்டிக்குளம் 34, அகரம் சீகூர் 2, வி.களத்தூர் 5, கிருஷ்ணாபுரம் 14, எறையூர் 7, தழுதாளை 11, வேப்பந்தட்டை 22, லப்பைக்குடிகாடு 10.

இதேபோல, கரூர் மாவட்டத்தில் நேற்று முன்தினம் மாயனூர், கிருஷ்ணராயபுரம், லாலாபேட்டை, பஞ்சப்பட்டி, குளித்தலை மற்றும் சுற்றுவட்டாரப் பகுதிகளில் பரவலாக மழை பெய்தது.

நேற்று காலை 8 மணி வரை பதிவான மழையளவு(மில்லி மீட்டரில்):

கிருஷ்ணராயபுரம் 9.60, பஞ்சப்பட்டி 6.20, குளித்தலை 5, மாயனூர் 4.