வேலூர் நாராயணி பீடம் சார்பில் - கரோனா இலவச தடுப்பூசி முகாம் :

வேலூர் நாராயணி பீடம் சார்பில் 2-வது தவணை இலவச தடுப்பூசி முகாம் கடந்த 2 நாட்களாக நடைபெற்றது.இதன் மூலம் 1,000 பேர் பயனடைந்தனர்.

வேலூர் புரம்,  நாராயணி பீடம் மற்றும் தமிழக சுகாதாரத்துறை சார்பில், 2-வது தவணை கரோனா இலவச தடுப்பூசி முகாம் நாராயணி பீடத்தில் உள்ள அன்னலட்சுமி மண்டபத்தில் நேற்று முன்தினம் தொடங்கியது.

புரம், நாராயணி பீடத்தின் இயக்குநர் மற்றும் அறங்காவலர் எம்.சுரேஷ் இலவச தடுப்பூசி முகாமை தொடங்கி வைத்தார். மே 4-ம் தேதி மற்றும் மே 5-ம் தேதி என 2 நாட்களுக்கு தடுப்பூசி முகாம் நடைபெற்றது.

இதில், புரம் மற்றும் திருமலைக்கோடி சுற்றுவட்டாரங்களைச் சேர்ந்த கடை உரிமையாளர்கள், தங்கும் விடுதி ஊழியர்கள் மற்றும் பொது மக்கள் என 1,000 பேர் கலந்துகொண்டு தடுப்பூசியை போட்டுக்கொண்டனர்.

இந்நிகழ்ச்சிக்கான ஏற்பாடு களை புரம் மற்றும்  நாராயணி பீடம் நிர்வாகத்தினர் செய்திருந்தனர்.