தேர்தல் பார்வையாளர்களிடம் நேரில் புகார் அளிக்கலாம் : நெல்லை மாவட்ட தேர்தல் அலுவலர் தகவல்

சட்டப்பேரவை தேர்தலை கண்காணிக்க வந்துள்ள பொதுப்பார்வையாளர்களிடம் நேரில் புகார் தெரிவிக்கலாம் என்று, திருநெல்வேலி மாவட்ட தேர்தல் அலுவலரும், ஆட்சியருமான வே.விஷ்ணு தெரிவித்துள்ளார்.

திருநெல்வேலி மற்றும் பாளையங்கோட்டை தொகுதிகளுக்கு பொது பார்வையாளராக டாக்டர்சுப்ரதா குப்தா ( செல்போன் எண்: 83003 20615), அம்பாசமுத்திரம் தொகுதிக்கு பொதுப்பார்வையாளராக சுரேந்திரன் நாராயன் பாண்டே ( செல்போன் எண் 83003 21068), நாங்குநேரி தொகுதிக்கு பொதுப்பார்வையாளராக நூன்சாவாத்திருமலை நாயக் ( செல்போன் எண்: 83003 21561), ராதாபுரம்தொகுதிக்கு அலோகேஷ் பிரசாத் (செல்போன் எண்: 83003 21658), மேலும் 5 சட்டப் பேரவை தொகுதிகளுக்கும் காவல் பார்வையாளராக சுதன் சுகுமார் (செல்போன் எண் : 83003 21731) நியமிக்கப்பட்டுள்ளனர்.

திருநெல்வேலி மாவட்டத்தில் தேர்தலை அமைதியாகவும், நேர்மையாகவும் நடத்துவது தொடர்பாக பொதுப்பார்வையாளர்கள் ஆலோசனை மேற்கொண்டனர்.

திருநெல்வேலி, பாளையங்கோட்டை, அம்பாசமுத்திரம் மற்றும் நாங்குநேரி தொகுதி தொடர்பான தேர்தல் புகார்களை பொதுப் பார்வையாளர்களிடம் காலை 9 மணி முதல் 10 மணி வரை வண்ணார்பேட்டை அரசு சுற்றுலா மாளிகையில் நேரில் சந்தித்து தெரிவிக்கலாம்.

ராதாபுரம் தொகுதி பொதுப்பார்வையாளர் மற்றும் திருநெல்வேலி மாவட்டத்துக்கான காவல் பார்வையாளரை மாலை 5 மணிமுதல் 6 மணி வரை வண்ணார்பேட்டை அரசு சுற்றுலா மாளிகையில் நேரில் சந்தித்து தேர்தல் தொடர்பான புகார்களை தெரிவிக்கலாம் என்று, மாவட்ட தேர்தல் அலுவலர் தெரிவித்துள்ளார்.