உரிய ஆவணங்களின்றி எடுத்துச் சென்ற ரூ.3.08 லட்சம் பறிமுதல் :

பெரம்பலூர் மாவட்டம் செட்டிக்குளம்- விராலிப்பட்டி சாலையில் நேற்று வாகன சோதனையில் ஈடுபட்டிருந்த தேர்தல் பறக்கும்படை குழுவினர், அந்த வழியே இருசக்கர வாகனத்தில் வந்த செங்காட்டுப்பட்டியைச் சேர்ந்த முருகேசன் மகன் விஜய் என்பவர் உரிய ஆவணங்களின்றி எடுத்துச் சென்ற ரூ.1,19,600-ஐ பறிமுதல் செய்தனர்.

இதேபோல, கோனேரிபாளையம் நான்கு ரோட்டில் நேற்று வாகன சோதனையில் ஈடுபட்டிருந்த தேர்தல் பறக்கும்படை குழுவினர், அந்த வழியே இருசக்கர வாகனத்தில் வந்த குரும்பலூர் பாளையம் மாதாகோயில் தெருவைச் சேர்ந்த ராமதாஸ் மகன் ராமநாதன் என்பவர் உரிய ஆவணங்களின்றி எடுத்துச் சென்ற ரூ.1,88,500-ஐ பறிமுதல் செய்தனர். 2 இடங்களிலும் பறிமுதல் செய்யப்பட்ட ரூ.3.08 லட்சம் பெரம்பலூர் மாவட்ட கருவூலத்தில் ஒப்படைக்கப்பட்டது.