திருநெல்வேலி வண்ணார்பேட்டையில் - இந்து தேசிய கட்சியின் வேட்பாளர்கள் அறிமுக கூட்டம் :

இந்து தேசியக் கட்சி சார்பில் சட்டப்பேரவைத் தேர்தலில் போட்டியிடும் வேட்பாளர்கள் அறிமுகக் கூட்டம் திருநெல்வேலி வண்ணார்பேட்டையில் நடைபெற்றது.

கட்சியின் நிறுவன தலைவர் எஸ்.எஸ்.எஸ்.மணி வேட்பாளர்கள் பட்டியலை வெளியிட்டார். அதன்படி, திருநெல்வேலியில் சங்கரநாராயணன், பாளையங் கோட்டையில் முருகேசன், நாங்குநேரியில் வன்னி முருகேசன், ராதாபுரத்தில் வசந்தகுமார், ஆலங்குளத்தில் மாயாண்டி, கடையநல்லூரில் பிச்சுமணி, அம்பாசமுத்திரத்தில் மதியழகன், தென்காசியில் டெல்டா கண்ணன் உட்பட 29 பேர் பட்டியல் வெளியிடப்பட்டது.

இதுகுறித்து கட்சியின் நிறுவன தலைவர் கூறும்போது, “2-வது கட்ட வேட்பாளர் பட்டியல் செவ்வாய்க்கிழமை திருச்சியிலும், 3-வது கட்ட வேட்பாளர் பட்டியல் வியாழக் கிழமை சென்னையிலும் வெளியிடப்பட உள்ளது. நாங்கள் 160 தொகுதிகளில் போட்டியிடுகிறோம்.

நாங்கள் போட்டியிடாத 74 தொகுதிகளில் அமமுகவை ஆதரிக்கிறோம்” என்று அவர் தெரிவித்தார்.