செங்கம் ஆசிரியருக்கு - சிறந்த அறிவியல் ஆசிரியர் விருது : சிஇஓ உள்ளிட்டோர் வாழ்த்து

சிறந்த அறிவியல் ஆசிரியர் விருது பெற்ற செங்கம் அறிவியல் ஆசிரியருக்கு பாராட்டு தெரிவிக் கப்பட்டுள்ளது.

திருவண்ணாமலை மாவட்டம் செங்கம் அடுத்த குப்பநத்தம் அரசு உயர்நிலைப் பள்ளியில் அறிவியல் ஆசிரியராக பணியாற்றி வருபவர் இரா.தமிழ்கனி. இவர், சிறந்த அறிவியல் ஆசிரியர் விருதுக்கு தேர்வு செய்யப்பட்டார்.

இதையடுத்து, சென்னையில் மாநில அறிவியல் நகரம் சார்பில் நடைபெற்ற விழாவில் இரா.தமிழ்கனிக்கு சிறந்த அறிவியல் ஆசிரியர் விருதை உயர்கல்வித் துறை முதன்மை செயலாளரும், தமிழ்நாடு அறிவியல் நகர துணைத் தலைவருமான ராஜேஷ்லகானி வழங்கி கவுரவித்தார்.

மாநில அளவில் சிறந்த அறிவியல் ஆசிரியர் விருது பெற்ற இரா.தமிழ்கனியை தி.மலை மாவட்ட முதன்மை கல்வி அலுவலர் அருள்செல்வன், மாவட்ட கல்வி அலுவலர் (செங்கம்) விஜயகுமார் மற்றும் ஆசிரியர்கள் உட்பட பலரும் பாராட்டி வாழ்த்தினர்.