வங்கிகளில் ஒலித்த எச்சரிக்கை அலாரம்

கோவை ஆர்.எஸ்.புரம் டி.பி.சாலையில் 10-க்கும் மேற்பட்ட வங்கிகளும், 15-க்கும் மேற்பட்ட ஏடிஎம் மையங்களும் உள்ளன. இந்நிலையில், நேற்று காலை இப்பகுதியில் உள்ள 5-க்கும் மேற்பட்ட வங்கிகளில் திடீரென எச்சரிக்கை அலாரம் ஒலித்தது. தகவலறிந்து வந்த போலீஸார், வங்கிகளில் சோதனை நடத்தியபோது, உள்ளே யாரும் இல்லை. இதனால், போலீஸாருக்கும், வங்கிக் காவலாளிகளுக்கும் குழப்பம் ஏற்பட்டது. இதுகுறித்து போலீஸார் கூறும்போது, " டி.பி.சாலையில் மாதிரி சாலை அமைக்கும் பணிக்காக சாலையைத் தோண்டும்போது, வங்கிகளுக்குச் செல்லும் வயர் சர்வர் பெட்டி மீது மோதியதால், வங்கிகளில் எச்சரிக்கை அலாரம் ஒலித்துள்ளது" என்றனர்.