பள்ளி சுவரில் ஓவியம் வரையும் போட்டி

திருநெல்வேலி மாவட்டத்தி லுள்ள அனைத்து அரசு நடுநிலைப் பள்ளிகளிலும் ஒருங்கிணைந்த பள்ளிக் கல்வியின் மூலம் 6 முதல் 8-ம் வகுப்பு மாணவ, மாணவி யருக்கு சுவர் ஓவியம் வரையும் போட்டி நடத்தப்பட்டு வருகிறது.

களக்காடு ஒன்றியத்துக்கு உட்பட்ட ஏர்வாடி ஊராட்சி ஒன்றிய நடுநிலைப்பள்ளியில் நடைபெற்ற போட்டியில் கரோனா தடுப்புக்கான வழிகாட்டுதல்படி மாணவ, மாணவியர் பங்கேற்றனர். ஒவ்வொரு பள்ளியிலும் பள்ளி அளவில் முதல் 3 இடங்களைப் பெற்ற மாணவர்களுக்கு முறையே ரூ.600, ரூ.500, ரூ.400-க்கான காசோலைகள் வழங்கப்பட்டன. தலைமையாசிரியர் எலிசபெத் சகாயராணி, வட்டார கல்வி அலுவலர்கள் செபஸ்தியாய், அன்னலட்சுமி ஆகியோர் மாணவ, மாணவியரை பாராட்டினர்.