பாளை.கல்லூரியில் இன்று வேலைவாய்ப்பு முகாம்

பாளையங்கோட்டை தூய யோவான் கல்லூரி முதல்வர் எஸ்.ஜான் கென்னடி வெளியிட்ட செய்திக்குறிப்பு:

திருநெல்வேலி மாவட்ட தொழில்நெறி மற்றும் வேலைவாய்ப்பு வழிகாட்டி மையமும், தூய யோவான் கல்லூரியின் தொழில் மற்றும் வேலைவாய்ப்பு மையமும் இணைந்து, இளைஞர்களுக்காக கல்லூரி வளாகத்தில் இன்று காலை 9 மணி முதல் பிற்பகல் 2 மணிவரை வேலைவாய்ப்பு முகாமை நடத்துகின்றன. இதில் இறுதியாண்டு பயிலும் அனைத்து கல்லூரி மாணவ, மாணவியரும் கலந்து கொள்ளலாம். 80-க்கும் அதிகமான நிறுவனங்களும், பல சிறு குறு தொழில் நிறுவனங்களும் இந்த முகாமில் பங்கேற்கின்றன. இந்த வாய்ப்பை மாணவ, மாணவியர் பயன்படுத்திக் கொள்ளலாம் என்று தெரிவித்துள்ளார்.