கரூரில் இன்று இலவச சித்த மருத்துவ முகாம்

இந்திய மருத்துவம் மற்றும் ஹோமியோபதி துறை சார் பில் கரூர் மாவட்ட அரசு தலைமை மருத்துவமனையில் உங்களைத் தேடி தமிழ் மருத்துவம் என்ற இலவச சித்த மருத்துவ முகாம் இன்று (பிப்.18) நடைபெறவுள்ளது.

இலவச சித்த மருத்துவ முகாமை ஆட்சியர் மலர்விழி, அரசு மருத்துவக் கல்லூரி முதல்வர் அசோகன் ஆகியோர் இன்று (பிப்.18) காலை 8 மணிக்கு தொடங்கி வைக்கின்றனர்.

முகாமில், பெண்களுக்கான கருப்பைக் கட்டி, சினைப்பை நீர்க்கட்டி, தைராய்டு நோய், அதிக உதிரப் போக்கு, மாதவிலக்குப் பிரச்சினை, மூட்டு வலி, தோல் நோய்கள், சளி, இருமல், மூக்கடைப்பு, சைனஸ், ஆஸ்துமா, சர்க்கரை நோய், இதய நோய், ரத்தக் கொதிப்பு ஆகிய நோய்களுக்கு சிகிச்சை, மருந்துகள் இலவசமாக வழங்கப்படும் என மாவட்ட சித்த மருத்துவ அலுவலர் எஸ்.காமராஜ் தெரிவித்துள்ளார்.