திருச்சியில் ம.சிங்காரவேலர் நினைவு நாள்

சிறந்த சிந்தனைவாதியும், விடுதலைப் போராட்ட வீரருமான ம.சிங்காரவேலர் நினைவு நாள் திருச்சியில் நேற்று கடைபிடிக்கப்பட்டது.

ம.சிங்காரவேலர் நினைவு நாளையொட்டி, இந்திய கம்யூனிஸ்ட் கட்சியின் மேற்குப் பகுதி சார்பில் உறையூர் நாச்சியார்கோயில் சந்திப்பில் அலங்கரிக்கப்பட்ட சிங்காரவேலர் உருவப் படத்துக்கு நேற்று மலர் தூவி மரியாதை செலுத்தப்பட்டது.

கட்சியின் பொருளாளர் ரவீந்திரன் தலைமையில் நடைபெற்ற இந்நிகழ்ச்சியில் முன்னாள் மாநகர் மாவட்டச் செயலாளர் க.சுரேஷ், நிர்வாகக் குழு உறுப்பினர் சிவா, பகுதிக் குழு நிர்வாகிகள் சரண்சிங், முருகன், ஆனந்தன், துரைராஜ், இளைஞர் பெருமன்றச் செயலாளர் செல்வகுமார், மாணவர் பெருமன்றச் செயலாளர் இப்ராகிம் உட்பட பலர் கலந்துகொண்டனர்.