குண்டர் தடுப்புச் சட்டத்தில் இளைஞர் கைது

திருச்சி சங்கரன்பிள்ளை சாலை பிரிஸ்டன் பத்ரி தெருவைச் சேர்ந்த ப்ராங்க்ளின் நிக்சன்ராஜ். கடந்த ஜன.23-ம் தேதி சத்திரம் பேருந்து நிலைய பகுதியில் நின்று கொண்டிருந்த அதே பகுதியைச் சேர்ந்த சக்திவேல் என்பவரிடம் கத்தியைக் காட்டி மிரட்டி வழிப்பறி செய்ததாக ப்ராங்க்ளின் நிக்சன்ராஜை கோட்டை போலீஸார் கைது செய்து திருச்சி மத்திய சிறையில் அடைத்தனர்.

இதற்கிடையே, இவர் மீது பல்வேறு வழக்குகள் நிலுவையில் இருப்பதாலும், தொடர்ந்து குற்றச் செயல்களில் ஈடுபடும் எண்ணம் உடையவர் என்பதாலும் ப்ராங்க்ளின் நிக்சன்ராஜை குண்டர் தடுப்புச் சட்டத்தின்கீழ் கைது செய்து காவல் ஆணையர் ஜெ.லோகநாதன் நேற்று முன்தினம் உத்தரவிட்டுள்ளார்.