மொழிப்போர் தியாகிகள் தினத்தை யொட்டி, திருச்சி தென்னூர் உய்யக்கொண்டான் வாய்க்கால் கரையில் உள்ள மொழிப்போர் தியாகிகள் கீழப்பழூர் சின்னசாமி, விராலிமலை சண்முகம் ஆகி யோரின் நினைவிடத்தில் நேற்று அரசியல் கட்சிகள், அமைப்புகள் சார்பில் மலரஞ்சலி செலுத்தப்பட்டது.
தமிழ்நாட்டில் இந்தி திணிப் புக்கு எதிராக நடைபெற்ற போராட் டங்களில் உயிர் நீத்தவர்களின் நினைவாக ஆண்டுதோறும் ஜன.25-ம் தேதி மொழிப்போர் தியாகி கள் தினம் கடைபிடிக்கப்பட்டு வருகிறது.
இதையொட்டி, அதிமுகவின் திருச்சி மாநகர், திருச்சி புறநகர் தெற்கு, புறநகர் வடக்கு மாவட்ட மாணவரணி சார்பில் நீதிமன்றம் அருகே உள்ள எம்ஜிஆர் சிலையிலிருந்து அமைதி பேரணி நடத்தப்பட்டு, தியாகிகளின் நினைவிடங்களில் மலர் வளையம் வைத்து அஞ்சலி செலுத்தப்பட்டது. இதில் அமைச்சர்கள் வெல்லமண்டி நடராஜன், வளர்மதி, மாவட்டச் செயலாளர்கள் ப.குமார் (புறநகர் தெற்கு), மு.பரஞ்சோதி (புறநகர் வடக்கு), மாவட்ட மாணவரணிச் செயலாளர்கள் சி.கார்த்திகேயன், அறிவழகன் உள்ளிட்டோர் கலந்துகொண்டனர்.
திமுகவினர் கோகினூர் சாலை சந்திப்பிலிருந்து தியாகிகள் நினைவிடத்துக்கு அமைதிப் பேரணியாக வந்து அஞ்சலி செலுத்தினர். இதில் திமுக முதன் மைச் செயலாளர் கே.என்.நேரு, முன்னாள் துணைவேந்தர் சபாபதி மோகன், வடக்கு மாவட்டச் செயலாளர் ந.தியாகராஜன், தெற்கு மாவட்ட பொறுப்பாளர் அன்பில் மகேஷ் பொய்யாமொழி எம்எல்ஏ, மத்திய மாவட்ட பொறுப்பாளர் க.வைரமணி, மாநகரச் செயலாளர் மு.அன்பழகன், எம்எல்ஏக்கள் சவுந்தரபாண்டியன், ஸ்டாலின் குமார், திமுக பேச்சாளர் வழக்கறி ஞர் தமிழன் பிரசன்னா, முன்னாள் எம்எல்ஏ அன்பில் பெரியசாமி உள் ளிட்டோர் பங்கேற்றனர்.
அமமுக சார்பில் மாநில பொருளாளர் ஆர்.மனோகரன், மாவட்டச் செயலாளர்கள் சீனிவாசன், ராஜசேகரன் உள்ளிட்டோர் மொழிப் போர் தியாகிகள் நினைவிடத்தில் மலரஞ்சலி செலுத்தினர். மதிமுக சார்பில் முன்னாள் எம்.பி சிப்பிப்பாறை ரவிச்சந்திரன், மாநில இலக்கிய அணிச் செயலாளர் காரை செல்வராஜ், மாவட்டச் செயலாளர்கள் வெல்லமண்டி சோமு, டிடிசி சேரன், தமிழ் மாணிக்கம், மகளிரணிச் செயலா ளர் டாக்டர் ரொஹையா உள்ளிட்டோர் உழவர்சந்தை அருகிலிருந்து ஊர்வலமாக சென்று தியாகிகள் நினைவிடத்தில் மரியாதை செலுத்தி னர்.
தமிழ்த் தேசிய பேரியக்கம் சார்பில் தலைவர் பெ.மணியரசன், நிர்வாகிகள் இலக்குவன், கவித்துவன், ராசாகுநாதன் உள்ளிட் டோரும், ஏஐடியுசி அமைப்புச் செயலாளர் சுரேஷ், தரைக்கடை வியாபாரிகள் சங்க மாவட்டச் செயலாளர் சிவா உள்ளிட்டோரும் மலரஞ்சலி செலுத்தினர்.
விடுதலை சிறுத்தைகள் கட்சியினர் தொழிலாளர் விடுதலை முன் னணி மாநில துணைச் செயலாளர் பிரபாகரன் தலைமையிலும், நாம் தமிழர் கட்சியினர் மாவட்ட ஒருங்கிணைப்பாளர் பிரபு தலை மையிலும், கலை இலக்கிய பெருமன்றத்தினர் மாவட்டச் செயலாளர் கி.சதீஷ்குமார் தலை மையிலும், மகஇகவினர் மாவட்டச் செயலாளர் ஜீவா தலைமையிலும், அகில இந்திய மக்கள் மறுமலர்ச்சி கழகத்தினர் நிறுவனர் பொன்.முருகேசன் தலைமையிலும் தியாகி கள் நினைவிடத்தில் மரியாதை செலுத்தினர்.
அரியலூரில்...
மொழிப்போர் தியாகிகள் தினத்தையொட்டி, அரியலூர் மாவட்டம் கீழப்பழுவூர் புதிய பேருந்து நிலையத்தில் உள்ள மொழிப்போர் தியாகி சின்னசாமி சிலைக்கு நேற்று அதிமுகவினர் மாலை அணிவித்து மரியாதை செலுத்தினர். முன்னதாக, மாவட்ட மாணவரணிச் செயலாளர் சங்கர் தலைமையில், கீழப்பழுவூர் கடைவீதியிலிருந்து ஊர்வலமாக வந்தனர். இதில், அரியலூர் பால் கூட்டுறவு சங்கத் தலைவர் கல்லங்குறிச்சி பாஸ்கர், அவைத் தலைவர் கணேசன் உள்ளிட்டோர் கலந்துகொண்டனர்.திமுக சார்பில் மாவட்டச் செயலாளர் எஸ்.எஸ்.சிவசங்கர் மாலை அணிவித்து மரியாதை செலுத்தினார். முன்னாள் எம்எல்ஏ பாளை து.அமரமூர்த்தி, மாவட்ட துணைச் செயலாளர்கள் தனபால், லதாபாலு உட்பட நிர்வாகிகள் பலர் கலந்துகொண்டனர்.
பாமகவினர் மாவட்டத் தலைவர் ரவிசங்கர் தலைமையிலும் அமமுகவினர் மாவட்டச் செயலாளர் துரை.மணிவேல் தலைமையிலும், தேமுதிகவினர் மாவட்டச் செயலாளர் ராம.ஜெயவேல் தலைமையிலும், எம்ஜிஆர் கழகத்தினர் மாநில அமைப்புச் செயலாளர் கலைவாணன் தலைமையிலும், நாம் தமிழர் கட்சியினர் மாவட்டச் செயலாளர் நீலமகாலிங்கம் தலைமையிலும் தியாகி சின்னசாமி சிலைக்கு மாலை அணிவித்து மரியாதை செலுத்தினர்.
இதேபோல, தஞ்சாவூர் இந்திய கம்யூனிஸ்ட் கட்சி அலுவலகத்தில், மொழிப்போர் தியாகிகள் நினைவு தின உறுதிமொழி ஏற்பு நிகழ்ச்சி தெற்கு மாவட்டச் செயலாளர் முத்து.உத்திராபதி தலைமையில் நேற்று நடைபெற்றது.
முக்கிய செய்திகள்
இன்றைய செய்தி
2 years ago