திருஞானசம்பந்தமூர்த்தி கோயில் வருஷாபிஷேகம்

திருநெல்வேலி டவுன் திருஞானசம்பந்த மூர்த்தி கோயில் வருஷாபிஷேக விழா நடைபெற்றது.

திருநெல்வேலியில் சேரன்மகாதேவி சாலையில் உள்ள இக்கோயிலில் வருஷாபிஷேகத்தையொட்டி காலையில் கணபதி ஹோமம் உள்ளிட்ட சிறப்பு பூஜைகளும், தொடர்ந்து திருஞானசம்பந்த மூர்த்தி, காந்திமதி அம்மன், சுவாமி நெல்லையப்பர் மற்றும் பரிவார மூர்த்திகளுக்கு புனித நீரால் அபிஷேகம் நடத்தப்பட்டது.

பக்தர்களுக்கு அன்னதானம் வழங்கப்பட்டது. இரவில் திருஞான சம்பந்தர், நெல்லையப்பர், காந்திமதி அம்மன் வீதியுலா நடைபெற்றது.