திருச்சி பாலக்கரை காவல்நிலை யத்தில் தலைமை காவலராக பணிபுரிந்து வருபவர் வேல் முருகன்(40). தனிப்படை காவல ரான இவர், கடந்த 21-ம் தேதி இரவு பொன்மலை பகுதியில் சென்று கொண்டிருந்தபோது, அவ்வழியாக இருசக்கர வாகனத் தில் வந்த தேடப்படும் நபரான ரவுடி விஜயை(25) தடுத்து நிறுத்த முயன்றார். அப்போது விஜய் மற்றும் அவரது நண்பர்களான யுவராஜ்(24), பாண்டியன்(25) ஆகியோர் வேல்முருகனை அரிவாள், இரும்புக் கம்பியால் தாக்கிவிட்டு தப்பிச் சென்றனர். காயமடைந்த வேல்முருகன் அரசு மருத்துவமனையில் சிகிச்சை பெற்று வருகிறார்.
இதுகுறித்து பொன்மலை போலீஸார் வழக்கு பதிவு செய்து விசாரணை நடத்தி வந்த நிலையில் ரவுடி விஜய், அவரது நண்பர் பாண்டியன் ஆகியோரை தனிப்படை போலீஸார் நேற்று முன்தினம் கைது செய்தனர். யுவராஜ் நேற்று திருச்சி நீதிமன் றத்தில் சரணடைந்தார். மூவரும் சிறையில் அடைக்கப்பட்டனர்.
முக்கிய செய்திகள்
இன்றைய செய்தி
2 years ago