சிங்கப்பூரில் இருந்து ஏர் இந்தியா எக்ஸ்பிரஸ் விமானம் நேற்று திருச்சி வந்தது. அதில் பயணம் செய்தவர்கள் மற்றும் அவர்களது உடைமைகளை விமானநிலைய சுங்க அதிகாரி கள் சோதனையிட்டனர்.
அப்போது சிவகங்கை மாவட் டம் திருப்பத்தூரைச் சேர்ந்த அருண்பாண்டியிடமிருந்து ரூ.8.01 லட்சம் மதிப்பிலான 158 கிராம், புதுக்கோட்டையைச் சேர்ந்த துரைசாமியிடமிருந்து ரூ.9.54 லட்சம் மதிப்பிலான 188 கிராம், பெரம்பலூரைச் சேர்ந்த சத்யரா ஜிடமிருந்து ரூ.8.12 லட்சம் மதிப்பிலான 168 கிராம் தங்கம் பறிமுதல் செய்யப்பட்டது.
இதேபோல சார்ஜாவிலிருந்து திருச்சிக்கு வந்த விமானத்தில் பயணம் செய்த திருச்சியைச் சேர்ந்த நடராஜிடமிருந்து ரூ.9.41 லட்சம் மதிப்பிலான 187 கிராம் தங்கம் பறிமுதல் செய்யப்பட்டது. இதன்மூலம் திருச்சி விமான நிலையத்தில் நேற்று ஒரே நாளில் ரூ.35.09 லட்சம் மதிப்பிலான தங்கம் பறிமுதல் செய்யப்பட்டது குறிப்பிடத்தக்கது.
முக்கிய செய்திகள்
இன்றைய செய்தி
2 years ago