ஈரோடு மாவட்டத்தில் ராகுல்காந்தி மேற்கொள்ளவுள்ள தேர்தல் பிரச்சார கூட்டம் குறித்த ஆலோசனைக் கூட்டம் ஈரோடு மாநகர, மாவட்ட காங்கிரஸ் தலைவர் ஈ.பி.ரவி தலைமையில் நடந்தது. கூட்டத்தில், காங்கிரஸ் மண்டல தலைவர்கள் அம்புலி, விஜயபாஸ்கர், திருச்செல்வம், ஜாபர்சாதிக், மகிளா காங்கிரஸ் தலைவர் புவனேஸ்வரி, அர்ஷத், பாஷா உள்ளிட்டோர் பங்கேற்றனர். கூட்டத்திற்குப் பின்னர் மாவட்டத் தலைவர் ரவி கூறியதாவது:
வரும் 24-ம் தேதி காலை 10 மணிக்கு திருப்பூரில் இருந்து புறப்படும் ராகுல்காந்தி ஊத்துக்குளியிலும், பெருந்துறையிலும் பேசுகிறார். மதியம் ஈரோடு பன்னீர்செல்வம் பூங்காவில் தலைவர் சிலைகளுக்கு மாலை அணிவித்து பேசுகிறார். ஓடாநிலையில் தீரன் சின்னமலை மணி மண்டபத்தில், அவரது சிலைக்கு மாலை அணிவித்து நெசவாளர்களுடன் பேசுகிறார்.
இதனைத் தொடர்ந்து மதியம் 3.45 மணிக்கு திருப்பூர் மாவட்டம் காங்கேயத்திலும், மாலை 4.45 மணிக்கு தாராபுரம் பொதுக்கூட்டத்திலும் ராகுல்காந்தி பேசுகிறார், என்றார்.
முக்கிய செய்திகள்
இன்றைய செய்தி
2 years ago