பொங்கல் பண்டிகையை முன்னிட்டு நாகர்கோவிலுக்கு சிறப்பு ரயில்

தெற்கு ரயில்வே மதுரை கோட்டம் வெளியிட்டசெய்திக் குறிப்பு:

பொங்கல் பண்டிகையை முன்னிட்டு சென்னை எழும்பூர் - நாகர்கோவில் இடையே சிறப்பு விரைவு ரயில் இயக்க தெற்கு ரயில்வே ஏற்பாடு செய்துள்ளது. சென்னை எழும்பூர் - நாகர்கோவில் சிறப்பு விரைவு ரயில் (எண் 06091) நாளை மற்றும் நாளை மறுநாள் (ஜனவரி 12 மற்றும் 13) சென்னையிலிருந்து இரவு 10.30 மணிக்கும், மதுரையிலிருந்து மறுநாள் காலை 6:30 மணிக்கும் புறப்பட்டு முற்பகல் 11.10 மணிக்கு நாகர்கோவில் சென்று சேரும்.

நாகர்கோவில் - சென்னை எழும்பூர் சிறப்பு ரயில் (எண் 06092) வரும் 16 மற்றும் 17 ஆகிய நாட்களில் நாகர்கோவிலில் இருந்து மதியம் 2.45 மணிக்கும், மதுரையிலிருந்து இரவு 7.30 மணிக்கும் புறப்பட்டு மறுநாள் அதிகாலை 3.40 மணிக்கு சென்னை எழும்பூர் சென்று சேரும். இந்த ரயில்கள் தாம்பரம், செங்கல்பட்டு, விழுப்புரம், விருத்தாச்சலம், திருச்சி, திண்டுக்கல், மதுரை, விருதுநகர், சாத்தூர், கோவில்பட்டி, திருநெல்வேலி ஆகிய ரயில் நிலையங்களில் நின்று செல்லும் எனத் தெரிவிக்கப்பட்டுள்ளது.