நெல்லை மாவட்டத்தில் ஜன 3-ல் 44 மையங்களில் குரூப் 1 தேர்வு

திருநெல்வேலி மாவட்டத்தில் 44 மையங்களில் டிஎன்பிஎஸ்சி குரூப் 1 தேர்வை 12,939 பேர் எழுதவுள்ளதாக ஆட்சியர் விஷ்ணு தெரிவித்துள்ளார்.

இது தொடர்பாக அவர் வெளியிட்ட செய்திக்குறிப்பு: தமிழ்நாடு அரசுப்பணியாளர் தேர்வாணையம் ஜனவரி 3-ம் தேதி குரூப் 1 முதல்நிலைத் தேர்வை நடத்தவுள்ளது. திருநெல்வேலி மாவட்டத்தில் இத்தேர்வை 44 மையங்களில் 12,939 பேர் எழுதவுள்ளனர்.

தேர்வை கண்காணிக்க 44 ஆய்வுக்குழு, 4 பறக்கும் படை, வட்டாட்சியர் மற்றும் துணை வட்டாட்சியர் நிலையில் 11 சுற்றுக்குழு நியமனம் செய்யப்பட்டுள்ளது.

தேர்வு நாளன்று தடைபடாத மின்சாரம் வழங்கவும், பேருந்துகளை தேர்வு மையத்துக்கு கூடுதலாக இயக்குமாறும் சம்பந்தப்பட்ட துறை அலுவலர்களுக்கு உத்தரவிடப்பட்டுள்ளது. தேர்வு நடைபெறும் கல்வி நிலையங் களுக்கு காவல் துறை மூலம் போதிய பாதுகாப்பு ஏற்பாடுகள் செய்யவும் உத்தரவிடப்பட்டுள்ளது. தேர்வு மையங்களில் கரோனா தடுப்பு நடவடிக்கைகள் மேற்கொள்ளப் படும். தேர்வு அறையினுள் செல்போன் எடுத்துச் செல்ல அனுமதியில்லை. இவ்வாறு தெரிவிக்கப்பட்டுள்ளது.