பெரியார் நினைவு தின அமைதி ஊர்வலம்

பெரியார் நினைவு தினத்தை முன்னிட்டு ‘திராவிடம் வெல்லும்’ என்ற பெயரில் அமைதி ஊர்வலம் கீழப்பாவூரில் நடைபெற்றது.

கீழப்பாவூர் மைதானத்தில் தொடங்கிய ஊர்வலம், பெரியார் திடலை அடைந்தது. அங்குள்ள பெரியார் சிலைக்கு திராவிடர் கழக தென் மண்டலச் செயலாளர் டேவிட் செல்லத்துரை தலைமையில் மாலை அணிவிக்கப்பட்டது. தெற்கு மாவட்ட திமுக பொறுப்பாளர் சிவ பத்மநாதன், திமுக ஒன்றியச் செயலாளர்கள் சிவன் பாண்டியன், சீனு துரை, பேரூர் திமுக செயலாளர் ஜெகதீசன், தென்காசி தெற்கு மாவட்ட மகளிர் அணி அமைப்பாளர் செல்வி சங்குகிருஷ்ணன், திராவிடர் கழக மாவட்டத் தலைவர் வீரன் மற்றும் பலர் கலந்துகொண்டனர்.

திருநெல்வேலி

பெரியார் நினைவு நாளை யொட்டி, பாளை. பேருந்து நிலையம் அருகேயுள்ள அவரது சிலைக்கு திமுக சார்பில் மத்திய மாவட்ட செயலாளர் அப்துல் வகாப், எம்எல்ஏ லெட்சுமணன், மதிமுக சார்பில் மாநகர் மாவட்ட செயலாளர் கேஎம்ஏ நிஜாம் தலைமையில் மாலை அணிவித்து மரியாதை செலுத்தினர்.