ராதாபுரம் கால்வாயில் கூடுதல் தண்ணீர் திறக்க மனு

ராதாபுரம் கால்வாய்க்கு கன்னியாகுமரி மாவட்ட அணைகளில் இருந்து தண்ணீர் திறந்துவிடப்படுகிறது. தற்போது பெய்துவரும் மழையால் கன்னியாகுமரி மாவட்ட அணைகள் நிரம்பி வருகின்றன. உபரியாகும் தண்ணீர் வீணாகி கடலில் கலந்துவருகிறது.

ராதாபுரம் கால்வாயில் தண்ணீர் திறக்கப்பட்டும் பாசன குளங்கள் தற்போதுவரை நிரம்பவில்லை. கடைமடை குளங்களுக்கும் இதுவரை தண்ணீர் சென்று சேரவில்லை.

இதுகுறித்து ராதாபுரம், கூடங்குளம் பகுதியைச் சேர்ந்த விவசாயி கள் முன்னாள் எம்எல்ஏ மு.அப்பாவு தலைமையில் கன்னியாகுமரி மாவட்ட பொதுப்பணித்துறை கோதையாறு வடிநில கோட்ட செயற்பொறியாளர் வசந்தியை சந்தித்து முறையிட்டனர். ராதாபுரம் கால்வாய் மூலம் பாசன வசதி பெறும் 52 குளங்கள் முழுமையாக நிரம்பும்வரை தொடர்ந்து கூடுதல் தண்ணீர் திறக்க வேண்டும் என வலியுறுத்தினர்.