வாக்காளர் பட்டியல் திருத்தம்ஆட்சேபனைகளை தெரிவிக்கலாம்

விழுப்புரம் மாவட்டத்தில் கடந்த 16 ம் தேதி வரைவு வாக்காளர் பட்டியல் வெளியிடப்பட்டது. இதைத் தொடர்ந்து வாக்காளர் பட்டியல் சிறப்பு சுருக்க திருத்தப் பணி நடைபெற்று வருகிறது. இதன்படி டிசம்பர் 15-ம் தேதி வரை பொது மக்களிடமிருந்து வாக்காளர் பட்டியலில் பெயர் சேர்க்கை, நீக்க, திருத்தங்கள் மேற்கொள்ள படிவங்கள் பெறப்படுகிறது. நாள்தோறும் பெறப்படும் படிவங்களின், சுருக்க படிவம் (Abstract) விழுப்புரம் மாவட்ட இணையதளத்தில் (https;//villupuram.nic.in.in) பதிவேற்றம் செய்யப்பட்டுள்ளது. இது தொடர்பாக ஆட்சேபனைகள் ஏதும் இருப்பின், தங்களுடைய கோரிக்கைகளை சம்மந்தப்பட்ட வாக்காளர் பதிவு அலுவலர்களிடம் (சார் ஆட்சியர், வருவாய்க் கோட்டாட்சியர்) கொடுக்கலாம் என விழுப்புரம் மாவட்ட தேர்தல் அலுவலரான ஆட்சியர் அண்ணாதுரை வெளியிட்டுள்ள செய்திக்குறிப்பில் தெரிவித்துள்ளார்.