நெல்லையப்பர் கோயிலில் இன்று சொக்கப்பனை தீபம்

திருநெல்வேலி நெல்லையப்பர் காந்திமதியம்மன் திருக்கோயிலில் திருக்கார்த்திகை ருத்திர தீபம் (சொக்கப்பனை தீபம்) திருவிழா இன்று நடைபெறுகிறது. இதையொட்டி நேற்று பரணி தீபம் ஏற்றப்பட்டது.

இத் திருக்கோயிலில் திருக்கார்த்திகை ருத்திர தீபம் இன்று மாலை 6.30 மணிக்குமேல் இரவு 7 மணிக்குள் ஏற்றப்படுகிறது. இதையொட்டி சுவாமி சந்நிதியில் நேற்று மாலையில் பரணி தீபம் ஏற்றப்பட்டது. இன்று மாலை சுவாமி, அம்பாள் வெள்ளி ரிஷப வாகனத்தில் எழுந்தருளி, சுவாமி சந்நிதி பாரதியார் தெரு செல்லும் வழியில் சொக்கப்பனை முக்கில், சுவாமி சொக்கப்பனை தீபம் இரவு 7 மணிக்குள் ஏற்றப்படுகிறது. இதை தொடர்ந்து அம்மன் சந்நிதி முகப்பில் பாரதியார் தெரு மத்தியில் அம்பாள் கார்த்திகை ருத்திர தீபம் ஏற்றப்படுகிறது. இதற்கான ஏற்பாடுகளை கோயில் செயல் அலுவலர் சா. ராமராஜா உள்ளிட்டோர் செய்துள்ளனர்.