தேசிய நூலக வார விழா

திருநெல்வேலி மனோன்மணியம் சுந்தரனார் பல்கலைக்கழகத்தில் தேசிய நூலக வார விழா, நூல்கள் வெளியீட்டு விழா மற்றும் இணையதள கருத்தரங்கு தொடக்க விழா ஆகிய முப்பெரும் விழா நடைபெற்றது. துணைவேந்தர் கா.பிச்சுமணி தலைமை வகித்தார். நூலகத்துறை மாணவர் அ.பாலாஜி வரவேற்றார்.

விழாவில் குன்றில்குமார் எழுதிய ‘இளையநிலா எஸ்.பி.பி’ என்ற நூலும், நூலகத்துறைத் தலைவர் பாலசுப்பிரமணியன் எழுதிய ‘மாதர்குல மணிவிளக்கு மாதவி’ என்ற நூலும், ஆனந்த் பாலாஜி எழுதிய ‘வெற்றியின் மந்திரம்’ என்ற நூலும், நாஞ்சில் குமாரி ராஜராஜேஸ்வரி எழுதிய ‘வானவில் பூக்கள்’ என்ற நூலும் வெளியிடப்பட்டது.

பல்கலைக்கழக நூலகர் ஆ.திருமகள், ஓய்வு பெற்ற தலைமை ஆசிரியர் சா.பொன்னழகன் சிறப்புரை ஆற்றினர். உதவி நூலகர் கண்ணன் உள்ளிட்டோர் பங்கேற்றனர்.