ஊர்க்காவல் படைக்கு 19-ல் ஆட்கள் தேர்வு

திருநெல்வேலி மாநகர காவல் ஆணையர் அலுவலகம் வெளியிட்ட செய்திக்குறிப்பு:

திருநெல்வேலி மாநகர ஊர்க்காவல்படையில், ஊர்க்காவல் படையினர் புதிதாக தேர்வு செய்யப்படவுள்ளனர். அதற்காக, பாளையங்கோட்டை மாநகர ஆயுதப்படை மைதானத்தில், வரும் 19-ம் தேதி காலை 7 மணி முதல் காலை 10 மணி வரை ஆண்கள் 56 பேர், பெண்கள் 9 பேர் என்று 65 பேர் தேர்வு செய்யப்படவுள்ளனர்.

இத்தேர்வில் கலந்து கொள்ள விருப்பம் உள்ளவர்கள் பாஸ்போர்ட் அளவு புகைப்படம்- 2, கல்வி தகுதிச்சான்று (அசல் மற்றும் ஒரு சான்றொப்பமிட்ட நகல்), ஆதார் அட்டை (அசல் மற்றும் சான்றொப்பமிட்ட நகல்), இருப்பிடச் சான்று ( அசல் மற்றும் ஒரு சான்றொப்பமிட்ட நகல்) ஆகியவற்றுடன் மாநகர ஆயுதப்படை மைதானத்தில் நேரில் ஆஜராக வேண்டும்.

இதற்கான தகுதிகள்: 10-ம் வகுப்பு தேர்ச்சி பெற்றிருக்க வேண்டும். 18 வயதுக்கு குறையாமலும் 50 வயதுக்கு மிகாமலும் இருக்க வேண்டும். திருநெல்வேலி மாநகர எல்லைக்குள் குடியிருக்க வேண்டும்.