24 மணி நேரத்தில் : 12,516 பேருக்கு கரோனா தொற்று :

மத்திய சுகாதாரத் துறை அமைச்சகம் நேற்று காலை வெளியிட்ட புள்ளிவிவரத்தில் கூறியிருப்பதாவது:

நாடு முழுவதும் கடந்த 24 மணி நேரத்தில் 12,516 பேருக்கு கரோனா வைரஸ் தொற்று ஏற்பட்டுள்ளது. அவர்களையும் சேர்த்து இதுவரை 3 கோடியே 44 லட்சத்து 14,186 பேர் தொற்றால் பாதிக்கப்பட்டுள்ளனர். கடந்த 24 மணி நேரத்தில் 501 பேர் உயிரிழந்துள்ளனர். அவர் களையும் சேர்த்து இதுவரை உயிரிழந்தவர்கள் எண்ணிக்கை 4 லட்சத்து 62,690 ஆக அதிகரித்துள்ளது.

தற்போது ஒரு லட்சத்து 37,416 பேர் சிகிச்சை பெற்றுவருகின்றனர். இது ஒட்டுமொத்தமாக பாதிக்கப்பட்டவர்களில் 0.40 சதவீதமாகும்.

இவ்வாறு புள்ளிவிவரத்தில் கூறப்பட்டுள்ளது. -பிடிஐ