சென்னை - நாகர்கோவில், கோவைக்கு பொங்கல் சிறப்பு கட்டண ரயில்கள்

பொங்கல் பண்டிகையையொட்டி சென்னையில் இருந்து நாகர்கோவில் மற்றும் கோயம்புத்தூருக்கு சிறப்பு கட்டண சிறப்பு ரயில்கள் இயக்கப்படவுள்ளன.

இதுதொடர்பாக தெற்கு ரயில்வே நேற்று வெளியிட்டுள்ள செய்திக்குறிப்பில் கூறியிருப்ப தாவது:

சென்னை எழும்பூரில் இருந்து வரும் 12, 13-ம் தேதிகளில் இரவு 10.30 மணிக்கு புறப்படும் சிறப்பு ரயில் (06091) மறுநாள் காலை 11.10 மணிக்கு நாகர்கோவில் செல்லும். மறுமார்க்கமாக நாகர்கோவிலில் இருந்து 16, 17-ம் தேதிகளில் மதியம் 2.45 மணிக்கு புறப்படும் சிறப்பு ரயில் (06092), மறுநாள் அதிகாலை 3.40 மணிக்கு சென்னை எழும்பூர் வரும்.

இதேபோல், சென்னை சென்ட்ரலில் இருந்து வரும் 13-ம் தேதி இரவு 11.30 மணிக்கு புறப்படும் சிறப்பு ரயில் (06089), மறுநாள் காலை 8 மணிக்கு கோயம்புத்தூர் செல்லும். மறுமார்க்கமாக கோயம்புத்தூரில் இருந்து 17-ம் தேதி இரவு 10 மணிக்கு புறப்படும் சிறப்பு ரயில், மறுநாள் காலை 4.30 மணிக்கு சென்னை சென்ட்ரல் வரும்.

மேற்கண்ட சிறப்பு ரயில்களுக்கான முன்பதிவு இன்று காலை 8 மணிக்கு தொடங்கும். இவ்வாறு அதில் கூறப்பட்டுள்ளது.